Today天氣:涼
開心指數:☆☆☆
雪藏左個blog一段時間,而家終於解凍了~
呢段時間,我不但做左人仔倉版主
仲幫忙「解救」左一班u仔高達版的網友
而家工作量比以前高左好多,好忙...
話咁快又四月,即係代表final exam差唔多就到
選科的日子亦已不遠,憂心...
講番今日,尋晚去完阿妹學校個親子一日遊,累死,一早就訓左
今朝一早就起左,開電腦,on msn冇乜人...
下午無無聊聊,出去周圍走,見到你xD
6點幾翻屋企,焚機,打MHP2G,睇魯路修r2...
聽日又要返學,超唔想...
Today天氣:涼
開心指數:☆☆☆
又要返學.... 尋晚要整電腦,搞到好夜先sleep
第二日返學,完全唔夠訓...
返學ge唔講
放學,無聊得滯,返左去置樂
成年幾冇去,都變左唔少
好彩我最成日去個間"長頸鹿模型屋"仲係度 =D
跟住行去市中心買bir禮物比同學,但係找來找都找唔到份心水.... --"
連續撞到你地幾次,真係有緣 ^^
星期日返去我以前住ge地方---元朗舊墟
成兩年幾冇返去lu,唔知又變左幾多呢 :)
Today天氣:唔算好晒
開心指數:☆☆☆☆
今日係星期日,我同班裏面另外兩位環保大使一齊參加左"世界水監測日"
但其實我ge目的只係為左去參觀船灣淡水湖 ^^
朝早10:45去到豐景園ge巴士站,遲左D
等左差唔多十幾分鐘,終於見到架263,點知整車爆滿,完全上唔到
我都係第一次263爆車,以前從未試過咁樣
263爆車,唯有搭44B,半個幾鐘就到左東鐵上水站
之後搭東鐵南下往中文大學,話咁快就到
落車睇錶,仲有個幾鐘. 叫過遲D先出門口ga la,搞錯
係大學站周圍遊,聽下歌,影下九鐵屬下之大學站ge最後一面
1:00,梁sir終於到,先遊一陣中大
1:30,搭專車去船灣lu
去到,行一段路上會場
沿途見到D四輪"單車",好特別,第一次見
上到去會場,先影下船灣淡水湖ge景色先
做左D實驗,就出左去行大壩,真係好長,有唔少人都係度玩風箏
D風吹過來,涼到爆炸 =D
哎呀,相機冇電,明明叉好ge......
冇幾耐後,典禮開始,冇理佢,唔記得晒
又冇幾耐後,實驗開始,我同霍雞佢地(唔包肥king)最快完成
完成左後,見到有野食,即刻飛去拎,食到我好飽
大家樂D野果然好食:)
食完之後,執野走,拎袋紀念品走,都幾多下
搭番專車去大學站,南行去沙田幫人買野同行街
6:45,搭263走,又係排長龍,究竟發生乜事
7點幾返到安定,唔想行,搭輕鐵返屋企
差唔多8:00,終於真正返到屋企,可以抖下
行左成日,全身都好累,但我得到應有ge回報,呢D付出值得ge
Weekend天氣:涼
開心指數:☆☆☆
成個星期冇打blog....... 而家打番先 ^^
上星期六日,比阿妹激,不願提....
星期一,例牌好悶,放學比肥king扯左去數學精英班,悶死
之後同肥king出市中心
星期二,依然好悶. 之前唔知食過D乜,係咁痛
放學去左參加圖書館管理員會議
冇人革職冇人升職, 完全冇驚喜....
之後去霍雞屋企玩psX
星期三,一樣咁悶(來來去去都係呢句 --")
中文默書73分,遠低預期,不過背野始終唔係我強項...
阿sir找"關吳惠龍"個陣竟然找到我個blog,嚇鬼死我
周會時間調位,可惜又再一次比人扯左去數學精英班...
精英班完左後,返左課室,睇下坐乜位
而家冇得坐教帥檯隔離,慘...(個人認為果個位最好坐)
放學又去左霍雞屋企玩psX,之後兩日都唔可以再去lu :(
10-11月兩大活動:去船灣淡水湖同去人仔倉五周年聚會
但係一日有阿妹呢舊大石,我都唔知可唔可以順利去到.... T^T
p.s. kaman生日快樂 =D
Today天氣:落雨
開心指數:☆☆☆
今日落雨,好彩有拎傘出去
頭兩堂省略
小息去左library當值
第三,四堂D&T,砌K-net,都唔錯好玩ge
但係睇唔明份說明書D圖,超細.... --"
午膳,去左library當值,但係D隊長唔知飛晒去邊......
第五堂eng,差D比人記名......
第六堂班課,幫手執教師檯
周會,無聊ge國民教育講座,理佢無謂,自己sleep
之後罰企,又係講個D野,企左差唔多半個鐘,超累
5點幾返到課室,黑版無啦啦出現左首"關追",笑死我:D
Today天氣:陰陰地天,仲不時落雨
開心指數:☆☆☆
今日國慶後第一日,無聊.....
呢排愛上左Gundam X,經常煲呢套野煲到好夜先訓,今朝差D起唔到身
返到學校,例牌趕做功課
頭兩堂勁boring,唔打
小息當值,今日勁多人還書,忙到我死,唔知乜事
第三堂綜人,終於講到WWI
第四堂Maths,第一次悶到我去訓
午膳,第一日食美心,都ok,最起碼好過維他個D少少
第五堂中文,關吳惠龍+吳關永輝,超搞gag =D
第六堂eng,默書,鋼牙讀書勁快,聽唔晒
放學出市中心行街,今年內換機目標K810i!!
返屋企,焚機,打blog
成個week冇打blog,打番上個星期發生乜事先 ^^
25/9/07 便服日+MAF,夜晚去左沙灘煲蠟
28/9/07 放學同霍雞去library幫忙
29/9/07 去左校園TV學野,之後去左阿爺生日會開P,超hapi
30/9 - 1/10 掛住煲Gundam X
Today天氣:落大雨~
開心指數:☆☆☆
今日落大雨+大遲到,8:45先起床,趕到去已經9:00
第一堂eng,上少半堂,仲唔駛默書,正!!!
第二堂中文,悶爆,趕做功課
小息,上library當值
第三堂又係eng,鋼牙發火,當佢亂up
第四堂maths,又係悶爆
lunch time,又係上library當值,第一次見harry angry,so afraid '~'
第五堂物理,上實驗室
第六堂班課,睇書,睇miss許講「笑話」
放學去108留堂,作「千字文」好辛苦
中途比miss許叫左去form 1幫手
葉sir真係好人,未作夠1000字(差D)都比我放
不過結果今日又出唔到去市中心,唯有聽日出
聽日便服日,期待 ^^
