萬人齊頌道duck經(補打21-4-07)

Today天氣:好曬,好焗,好熱
開心指數:☆☆☆☆

今日係sat,但係就要返學校……

今日返學校,之後要去個乜萬人齊頌道duck經,話要破d乜世界紀錄

朝早,約左肥妖同螺絲批去食breakfast,之後去左買乾糧,返到學校剛好夠鐘,好彩…

見到好多人唔返學校,無奈……

之後坐左+玩左成個半鐘車,落左車再行左一陣,先去到大球場

(因為勁多人搭旅遊巴來,警方唯有實施車輛管制,我地要在大球場附近ge道路落車).

去到之後見到勁多來自唔同地方ge人,小學ge有,道教信徒ge又有,連老人院ge都有.

入左大球場找位,我地坐得勁高(肥陸一定好驚,哈哈)

因為未有表演,所以我一路play手電,冇停過. :-P

下午1:00,終於開始lu,但係因為d表演實在太無聊,所以又繼續玩手電.

唔經唔覺,到左3:00,開始讀道德經,讀左十幾分鐘先停,最後真係破左世界紀錄.

讀完之後又表演,不過表演ge人有有叻哥,獎門人,鐘鎮濤等人,冇咁悶.

4:00,終於完結,照常應該可以返去,但因為又太多人,所以要分批離開.

我地在上面坐左半粒鐘,之後落左去地下看台坐左半粒幾鐘,然後出左街道再等多半粒鐘,先找到架旅遊巴泊左在邊.


搭車又再搭左個半粒鐘,返到去已經6:30 lu.

今日算開心啦,不過唔好再找D咁ge活動比我...